futbollishqip

Më 26.04.2015 (13:00) – Takimi i fundit përgatitor para fillimit të KAMPIONATIT 2015

Apr. 222015
 

kampionati - lajmi

Ftohen të gjithë përfaqësuesit e ekipeve të futbollit, pjesëmarrëse në KAMPIONATIN 2015, të gjitha komisionet, grupet dhe ekipet punuese, referët, anëtarët dhe aktivistë, që veprojnë në kuadër të Ligës Shqiptare të Futbollit në Austri, që të marrin pjesë në takimin e fundit përgatitor, para fillimit të ndeshjeve të kampionatit, që do të mbahet këtë të diel,  më datën 26.04.2015, në orën 13:00, në selinë e Ligës, në Rögergasse 16, 1090 Vjenë.

Ky takim është i rëndësisë së veçantë, ku do të paraqitet plani i ndeshjeve, terminet dhe programi i sezonit pranverorë, dhe të gjitha pikat e nevojshme dhe konsultuese, para fillimit të kampionatit të gjashtë të futbollit, që organizohet në kuadër të Ligës Shqiptare të Futbollit në Austri.

Pjesëmarrja është e domosdoshme, prandaj mirupafshim!

Ekipi për informim

 22. April 2015

Edhe ekipi i futbollit PRESHEVA dërgon listën e lojtarëve për KAMPIONATIN 2015

Apr. 202015
 

Ekipi i radhës që dërgon listën e lojtarëve është PRESHEVA.

Ekipi i futbollit PRESHEVA, që këtë vit garon për herë të parë në garat kampionale në kuadër të Ligës Shqiptare të Futbollit në Austri, tashmë ka siguruar pjesëmarrjen e rregullt në këto gara, dhe me dërgesën e listës së lojtarëve, lehtëson punën e Komisionit të Garave, në mënyrë që faza e parapërgatitjeve të përmbyllet para fillimit të kampionatit.

Ekipi PRESHEVA starton me këtë formacion:

PRESHEVA

Presheva

 20. April 2015

Fillon REGJISTRIMI i lojtarëve për KAMPIONATIN 2015 – Prin KF KRENARIA

Apr. 182015
 

Fillon zyrtarisht regjistimi i lojtarëve  në KAMPIONATIN E FUTBOLLIT 2015, që organizohet për herë të gjashtë nga Liga Shqiptare e Futbollit në Austri.

Ekipi i parë që kryen obligimin ndaj kërkesës së Komision të Garave, është Klubi Futbollistik KRENARIA, që tashmë ka dërguar listën e lojtarëve, përmes formularit online, gjë që pritet të bëhet edhe nga ekipet e tjera. Kjo formë e regjistrimit aplikohet për herë të parë, me ndihmën e ekipit teknik, në radhën e modernizimin dhe të automatizimit të procedurave të nevojshme.

Ekipi Krenaria starton me këtë formacion:

Klubi Futbollistik KRENARIA

Klubi Futbollistik KRENARIA

Krenaria 2015

 18. April 2015

Ekipet garuese në KAMPIONATIN 2015 i cili fillon më 03.05.2015

Apr. 172015
 

kampionati - logo - 03-05-2015

Më 03.05.2015 fillon KAMPIONATI 2015, i gjashti me radhë, që organizohet nga Liga Shqiptare e Futbollit në Austri. Në kuadër të këtyre garave, pas përfundimit të afatit të rregullt të paraqitjeve të ekipeve garuese, do të marrin pjesë vetëm ekipet që kanë filluar procedurat e rregullta!

Sipas Komisionit të Garave, që funksionon në kuadër të Ligës Shqiptare, për ndeshjet kampionale të këtij viti, janë këto ekipe:

Renditja sipas paraqitjes

  1. FC TIMI  / 2010-Vendi 3 / 2013-Nënkampion / 2013-Fitues i Kupës / 2014-Nënkampion
  2. KF KRENARIA / për herë të parë garon në vitin 2014 / 2014-Fair Play
  3. KREMSI / 2010-Nënkampion / 2015-RIKTHEHET në Ligë
  4. FC DRENICA / për herë të parë garon në vitin 2014 / 2014-KAMPION
  5. PRESHEVA / për herë të parë garon në vitin 2015
  6. GALATASARAY / për herë të parë garon në vitin 2014 /
  7. KF STRUGA / 2010-KAMPION / 2011-Vendi 3 / 2012-Nënkampion / 2015-RIKTHEHET në Ligë
  8. FC SHQIPONJA / 2013-Vendi 3 / 2015-RIKTHEHET në Ligë
  9. BISH / për herë të parë garon në vitin 2010
  10. STUDENTI / Dëshirojnë të marrin pjesë në vitin 2015 – procedura ende e hapur
  11. TERNITZ / Dëshirojnë të marrin pjesë në vitin 2015 – procedura ende e hapur
  12. AFRIM ZHITIA / për herë të parë garon në vitin 2010 / 2014-Vendi 3 / 2015- procedura ende  e hapur
  13. ENDE PA EMËR / Dëshirojnë të marrin pjesë në vitin 2015 – procedura ende e hapur

Nga kjo radhitje, deri më tash, nëntë (9) ekipe kanë siguruar pjesëmarrjen në KAMPIONATIN 2015, ndërsa katër (4) ekipet e tjera duhet të kryejnë procedurat e rregullta. Moskryerja rezulton në mospjesëmarrje!

Komisioni i garave, në krye me Halil Jasharin, që në Kuvendin e Ligës, të mbajtur këtë vit, më 22.03.2015, paraqiti planin e parapërgatitjeve nga ana e këtij komisioni, ku parashihen kombinacionet e mundshme të mbarëvajtjes së garave.

Pritet vendimi i Kryesisë së Ligës, për caktimin e numrit përfundimtar të ekipeve që do të marrin pjesë në KAMPIONATIN E FUTBOLLIT 2015, ku menjëherë do të publikohet edhe orari përfundimtar i garave.

Për informata tjera, ju njoftojmë së shpejti!

Ekipi për informim

 17. April 2015

Tejkalohet numri i parashikuar – përmbyllet afati për paraqitjen e ekipeve

Apr. 162015
 

kampionati - lajmi

Tejkalohen parashikimet e fazës përgatitore, përderisa përmbyllet zyrtarisht afati i paraqitjes së ekipeve garuese për KAMPIONATIN E GJASHTË TË FUTBOLLIT, afat ky, që ishte i hapur deri më 15.04.2015, në orën 23:57.

Vetëm disa orë para përmbylljes së afatit të rregullt, siç njofton ekipi teknik i ligës sonë, ekipi BISH ka filluar procedurat e rregullta duke bërë paraqitjen edhe zyrtarisht, për pjesëmarrje në garat e vitit 2015. Urojmë suksese në KAMPIONATIN 2015!

Për informata të tjera, dhe për intervistën e kryetarit të ligës, Z. Qani Sulejmani, para fillimit të kampionatit, ju njoftojmë së shpejti!

Kampionati i sivjetëm fillon më 03.05.2015, në BARBARA STADION, në Prottes.

Ekipi për informim

 16. April 2015
1 2 … 73 74 75 76 77 … 123 124
Suffusion theme