FC SHOPONJA vazhdon procedurën e kërkuar nga Kryesia e Ligës dhe Komisioni i Garave, duke kompletuar kështu listën e lojtarëve, që do të marrin pjesë në KAMPIONATIN 2015, që organizon Liga Shqiptare. Ky ekip, që në vitin 2013 u rendit në vendin e tretë, në Turneun Tradicional të Pavarësisë 2015, në Ternitz, zhvilloj ndeshje tejet cilësore, me të cilat tregoi se mund të radhitet në podest këtë vit!

Ekipin e futbollit FC Shqiponja, e falënderojmë për bashkëpunim dhe për rikthim në garat kampionale në Ligën Shqiptare të Futbollit në Austri, dhe urojmë të plasohet në vendin e merituar gjatë këtij kampionati!

Ekipi për informim

Në takimin e fundit përgatitor, para fillimit të KAMPIONATIT 2015, përveç kryesisë, komisioneve, ekipeve punuese, referëve, morën pjesë edhe ekipet pjesëmarrëse KF STRUGA, KF DRENICA, FC SHQIPONJA, EF PRESHEVA, KF KRENARIA, FC TIMI.

Ndërsa BISH kishte lajmëruar me kohë që nuk do të mund të jenë në takim me kohë, por pajtohen me çdo vendim që do të merret. Poashtu VËLLAZËRIMI KREMS ishin të të njëjtit mendim.

Përfaqësuesit e ekipit GALATASARAY erdhën me vonesë, me të cilët, pas përfundimit të takimit të rregullt, u mbajt një takim i veçantë informues me disa anëtarë të kryesisë, komisionit të garave dhe ekipeve të punës. Të gjitha ekipet u pajtuan me vendimet e marra!

Sipas shortit, radhitja tabelare është kjo:

1. GALATASARAY
2. KF STRUGA
3. KF DRENICA
4. KF KRENARIA
5. BISH
6. FC SHQIPONJA
7. EF PRESHEVA
8. VËLLAZËRIMI KREMS
9. FC TIMI

Ndërsa të gjitha ekipet tjera që shprehën dëshirën që të marrin pjesë në KAMPIONATIN 2015, por ende nuk i kan kryer obligimet, nuk janë përfshirë në hudhjen e shortit. Për këtë do të merret vendim nga Kryesia!

Informata të tjera së shpejti!

Ekipi për informim