Deri më tash, numri për pjesëmarrje në TURNEUN E PAVARËSISË 2015, ka arritur në 16 ekipe të futbollit. Zyrtarisht procedurat e paraqitjes i kan kryer 13 ekipe, ndërsa 2 prej tyre kan premtuar ta bëjnë këtë deri në këtë fundjavë.

Ekipi i futbollit i 16-të është nga Kosova, BBF COMPANY, përfaqësuesit e të cilit kan shpreh deshirën për pjesëmarrje dhe që tashmë kan aplikuar për vizat hyrëse në organet kompetente, pasi dihet që banorëve kosovarë, të vetmit,  ende nuk ju lejohet qarkullimi i lirë në shtetet e Bashkësisë Evropiane! Kjo ka dëmtuar shumë sportistë kosovarë për të depërtuar në hapësirat ndërkombëtare, prandaj mbesim me shpresë që ky ekip të garojë në këtë TURNE!

Ekipi për informim

Komisioni i Garave, që vepron në kuadër të Ligës Shqiptare të Futbollit në Austri, në afatin e shkurtër kohor, vetëm pas një jave të shpalljes zyrtare për pjesëmarrje në Turneun e Pavarësisë 2015, iu raportoi ekipeve të punës dhe kryesisë së Ligës, për gjëndjen aktuale në rrjedhën e paraqitjeve të ekipeve të futbollit dhe poashtu përbylljen e obligimeve nga ana tyre.

Siç mësohet nga raporti i këtij komisioni, paraqitja e ekipeve ka arritë tashmë numrin dyshifror dhe procedurat e kryerjes së obligimeve (të pagësës për pjesëmarrje) po vazhdojnë me regull! Mbi gjysma e ekipeve të paraqitura tashmë janë zyrtarizuar si ekipe pjesëmarrëse, duke kryer të gjitha obligimet.

Sipas njoftimit të Komisionit të Garave dhe nga Kryesia, na bëjnë me dije, se po shqyrtohet mundësia e mbylljes së parakohshme të paraqitjes së ekipeve, nëse vazhdohet me këtë tempo të paraqitjeve, për arsye se do të tejkaloheshin normat e parapara gjatë planifikimit të Turneut, që ishin caktuar në mbledhjen e rregullt të Kryesisë, në dhjetor të vitit të kaluar!

Për ndryshime të reja ose vendime të marra, do të njoftoheni me kohë!

Në emër të Kryesisë dhe Komisionit të Garave
Ekipi për informim

Nga organet kompetente të Ligës na informojnë se ekipi AFRIM ZHITIA zyrtarizoj poashtu pjesëmarrjen në TURNIRIN E PAVARËSISË 2015, që këtë vit mbahet në Ternitz (afër Vjenës) dhe këtë vit për herë të parë organizohet nga Liga Shqiptare e Futbollit në Austri.

Shoqata kulturore sportive „Afrim Zhitia“ është anëtare e rregullt që nga themelimi i Ligës në vitin 2010, dhe në kuadër të kësaj shoqate funksionon edhe ekipi i suksesshëm futbollistik me po të njëjtin emër, që vitin e kaluar ,në KAMPIONATIN 2014, u rendit në vendin e tretë, edhe pse kishte potencial që me plot meritë të renditet më lartë në tabelë!

Urojmë suksese dhe falënderojmë për pjesëmarrje!

Ekipi për informim