Ekipi i radhës që do të merr pjesë në Turnirin e Pavarësisë 2015, në Ternitz, është ekipi FLATIN WIEN. Ekipit të ri i urojmë mirëseardhje dhe sukses në garë!
Ekipi për informim
Feb. 122015
12. Februar 2015
Feb. 112015
Edhe KAMPIONI 2014 – ekipi i futbollit DRENICA – ashtu siç edhe pritej nga përfaqësuesit e këtij ekipi, konfirmon zyrtarisht pjesëmarrjen në garat për më të mirin, në TURNEUN E PAVARËSISË 2015.
Para pak çastesh, nga Ekipi Teknik i Ligës, u informuam se edhe ekipi i futbollit DRENICA, që në kampionatin e fundit ishte me plot meritë KAMPIONI 2014, ka dorëzuar zyrtarisht informatat e duhura për pjesëmarrje në këtë garë, përmes formularit ONLINE për regjistrim në Turneun e Pavarësisë 2015 që është përgatitë pikërisht për këtë turnir!
Pothuajse gati të gjitha ekipet që kishin shpreh dëshirën për të marrë pjesë, që nga njoftimi për turnir, tashmë janë zyrtarizuar, dhe më këtë rast ato kan siguruar edhe vendet e tyre për pjesëmarrje në këtë turnir tashmë tradicional.
Ka mbetë edhe shumë pak kohë deri në përmbylljen e paraqitjes së ekipeve, dhe ashtu siç kemi shkruar edhe më parë, do të jetë garë e një niveli të pa parë deri më tash, pasi që pjesëmarrja e puthuajse të gjitha ekipeve është e një cilësie të lartë. Mbetet të vërtetohet në fushën e futbollit, se cili ekip është më i përgatituri në të gjitha pikëpamjet, dhe kush do të jetë përcjellës në podest për dy vendet e tjera, pasi që tashmë kemi disa nga KAMPIONËT dhe NËNKAMPIONËT përgjatë historikut pesëvjeçar të Ligës Shqiptare të Futbollit në Austri.
Kampionit, ekipit DRENICA, i urojmë sukses në mbrojtjen e podestit të të parit!
Ekipi për informim
11. Februar 2015
Feb. 102015
KUMANOVA, ekipi i ri që do të merr pjesë edhe zyrtarisht në Turnirin e Pavarësisë 2015, që këtë vit do të mbahet në Ternitz afër Vjenës, më 15.02.2015.
Ekipit KUMANOVA i urojmë suksese në gara!
Ekipi për informim
10. Februar 2015
Feb. 072015
Listës së ekipeve garuese në Turneun e Pavarësisë 2015, i bashkohet edhe ekipi i futbollit BISH VJENË, duke shtuar kështu numrin e ekipeve pjesëmarrëse të këtij turneu, i cili do të mbahet të dielen më 15.02.2015 në Ternitz, afër Vjenës. BISH VJENË është ndër ekipet që janë pjesë e Ligës Shqiptare të Futbollit në Austri, ku në kampionatin 2014 treguan ndeshje mjaft cilësore.
Ju dëshirojmë mirëseardhje dhe suksese në këtë turne!
Ekipi për informim
7. Februar 2015
Feb. 062015
Sipas bisedës që kishte ekipi për informim i Ligës me përfaqësuesin e referëve,z. Abdullah Abdullahu, rreth organizimit të TURNEUT TË PAVARËSISË 2015, që do të mbahet më 15.02.2015 në Ternitz afër Vjenës, kishte një përgjigje të përmbyllur në tri fjalë – NE JEMI GATI!
Duke qenë në kontakt me organet përkatëse të Ligës dhe të informuar në detaje, grupi i referëve, që funksionon si organ në kuadër të Ligës, do të ketë përforcime dhe shtim në radhët e veta. E gjithë kjo, si rrjedhojë e rritjes së nivelit sportiv dhe e kualitetit të garave, qoftë nga udhëheqësit e ekipeve, nga trajnerët, por edhe nga futbollistët e shumtë, që janë të inkuadruar në ligat shtetërore të Austrisë!
Në Ligën Shqiptare të Futbollit në Austri, garat zhvillohen sipas rregullave ndërkombëtare që nxjerren nga FIFA – UEFA, dhe poashtu me referë të licencuar. Trajnerët dhe përfaqësuesit tjerë të ekipeve që marrin pjesë në Ligë, trajnohen në nivele ndërkombëtare dhe licensohen nga organet kompetente të kësaj Lige! Në këtë mënyrë vazhdohet tradita e profesionalizimit në të gjitha nivelet, që janë pjesë e Ligës. Po të pyeteshin të gjitha ekipet e punës, që veprojnë në kuadër të ligës, pa dyshim se do të përgjigjeshin njëzëri me NE JEMI GATI!
Duke falënderuar REFERËT për kontributin e dhënë që nga themelimi i Ligës (2010) dhe për përcjelljen e vazhdueshme përkrah Ligës edhe në të ardhmen, urojmë për garat e radhës, të kalojmë sa më mirë së bashku!
Për informata të reja, do të informojmë me kohë!
Ekipi për informim
6. Februar 2015