Liga Shiqptare e Futbollit në Austri – Garat e Kupës 2024
VENDIM
Kryesia e Ligës Shqiptare të Futbollit në Austri, në mbledhjen e djeshme (28.04.2024) të mbajtur në ambientin e Shoqatës „Afrim Zhitia“, mori këtë vendim:
- Mbyllet para kohës së planifikuar paraqitja e ekipeve pjesëmarrëse
- Vetëm ekipet që tashmë kanë kryer obligimit janë pjesëmarrëse
- Ndihmohet TURNEU I FËMIJËVE (nxënësve)
- Fëmijëve/Nxënësve u ofrohet hapësirë në „BARBARA Stadion“, Prottes
- Fëmijët/Nxënësit ndihmohet edhe në organizim të garave
- Bashkëpunohet me shoqatën „Afrim Zhitia“, që do të përkujdeset për ushqim
- Shpallet FITUESI I KUPËS 2024 në Ligës Shqiptare të Futbollit në Austri
- Liga Shqiptare e Futbolit në Austri përkujdeset për ecurinë e garave
Duke parë interesin sportiv edhe të shpresave të reja, Liga Shqiptare do të ndihmojë shoqatën e mësuesve në Austri, për realizimin e suksesshëm të turneut të fëmijëve/nxënësve, si dhe do të bashkëpunojnë me Shoqatën „Afrim Zhitia“, e cila do të përkujdeset për ushqim, të dielën, më 12.05.2024.
Në këtë datë do të ketë aktivitete të ngjeshura, prandaj numri i ekipeve pjesëmarrëse kufizihet vetëm në ekipet që dëshironin të merrnin pjesë në Garat Kampionale 2024. Me këtë rast, për ekipet tjera, të paparaqitura, që dëshirojnë të marrin pjesë në Garat e Kupës 2024, i lusim për mirëkuptim, pasi që në këto gara nuk do të kenë mundësinë që të tregojnë forcat e tyre sportive në futboll!
Në Garat e Kupës marrin pjesë këto ekipe në Ligën Shqiptare:
- FC Timi
- KF Krenaria
- Luani Bau
- Afrim Zhitia
- Ludi
- Kingsman
- Gavrani
- Simba
kurse fituesit e vendeve 1, 2, dhe 3, do të shpërblehen, kurse vendi i parë merr titullin FITUES I GARAVE TË KUPËS 2024 në Ligën Shqiptare të Futbollit në Austri, dhe për herë të parë do të jipet edhe KUPA PËRCJELLËSE, e cila vit për vit do të përcillet te Fituesi i Garave të Kupës në Ligën Shqiptare të Futbollit në Austri!
Për detaje do të njoftojmë me kohë!
Ekipi për informim (A.J)