Shtohet numri i ekipeve pjesëmarrëse në KAMPIONATIN 2019, mbeten vetëm edhe pak vende të lira!

Në takimin e kryesisë, të së shtunës, pos ristrukturimit të anëtarëve të kryesisë, u shqyrtuan edhe planet e përgatitjeve në prag të fillimit të KAMPIONATIT 2019, që tashmë është i 10-ti në radhë, në të cilin, sipas kontakteve me ekipet e interesuara, do të ketë konkurencë të madhe, pasi që numri për pjesëmarrje në kampionit e futbollit është i kufizuar!

Sipas njoftimeve që u shpalosen në takimin e kryesisë, deri më tash, interesimin e shprehen 15 ekipe, por sipas sistemit dhe rregulloreve të Ligës Shqiptare të Futbollit në Austri, paraqitjen mirren parasysh sipas radhitjes së paraqitjeve. Ekipet që paraqiten në afatin e duhur kohor, dhe që po ashtu kryejnë obligimet sipas kushteve që parasheh Liga Shqiptare, do të marrin pjesë si ekipe të rregullta në KAMPIONATIN 2019.

Lista e ekipeve pjesëmarrëse, që në radhë të parë kryesohet nga Kampioni 2018, Nënkampioni 2018, dhe Kampioni i viteve 2015&2017, si dhe nga ekipet tashmë veterane në Ligën Shqiptare, sipas njoftimeve që ka kryesia, do të freskohet edhe me ekipe të reja, që do të shtojnë konkurencën për KAMPIONATIN JUBILAR 2019!

Derimë tash, në listën e ekipeve të paraqitura dhe të konfirmuara nga kryesia, janë:

• Besiana (Kampioni 2018)
• Timi (Kampioni 2015 & 2017, Nënkampioni 2013/2014)
• Albania (Nënkampioni 2018)
• Besiana 2
• Krenaria
• Kërçova (Kampioni 2016)

Në listën e pritjeve për konfirmim janë:

• Kumanova
• Deçani
• Luani
• Usaj
• Afrim Zhitia

Ndërsa në listën e ekipeve të interesuara janë edhe 4 ekipet të tjera, të cilat pritet që së shpejti do të konfirmojnë pjesëmarrjen e tyre!

Sipas vendimeve të marra në takimin e kryesisë dhe ristrukturimeve, në takimin që do të mbahet me përfaqësuesit e ekipeve pjesëmarrje në Kampionatin 2019, i cili do të caktohet së shpejti, ekipet e reja do të njoftohen për procesin e zhvillimit të kampionatit, si dhe me rregulloret dhe mbarëvajtjen e garave, kurse ekipet tashmë veterena do të freskojnë informatat e tyre.

Vjena do të jetë qyteti ku do të zhvillohen garat e Kampionit 2019, i cili shënon edhe VITIN JUBILAR, në të cilin edhe do të shënohet 10 VJETORI i themelimit dhe i punës së Ligës Shqiptare të Futbollit në Austri. Në lidhje me përgatitjet e kremtimin të 10-vjetorit, sipas kryesisë, do të themelohet edhe grupi i punës, i cili do të merret me çështjet organizative për këtë jubile.

Takimi i radhës me ekipet, të cilat do të ftohen për pjesëmarrje, do të publikohet pas caktimit të datës nga kryesia!

Në emër të kryesisë

Ekipi për informim (A.J.)

Sot, në mesin e qindra shikuesve dhe sportistëve, u mbajt TURNEU I PAVARËSISË SË KOSOVËS, që tashmë tradicionalisht organizohet nga Liga Shqiptare e Futbollit në Austri. Ky aktivitet ishte i pari i këtij viti, i cili është edhe vit jubilar, ku mbushte 10 vjet nga aktivitet e kësaj lige.

Edhe pse kryesia, gjatë përgatitjeve, kishte parashikuar maksimalish 16 ekipe pjesëmarrëse, nga interesi i madh për pjesëmarrje, kryesia u detyrua të shton numrin në 20 ekipe për këtë turne të futbollit. Vlenë të theksohet se numri i ekipeve ishte plotësuar qysh më shumë se dy java para përfundimit të afatit për paraqitjen e ekipeve, por në mënyrë që të rrisim rrethin e sportdashësve, u vendos për shtimin e nummrit të ekipeve pjesëmarrje.

Hapjen e Turneut e nderuan me ardhjen e tyre edhe dy ambasadorët tanë në Vjenë, ambasadori i Shqipërisë z. Roland Bimo dhe ambasadori i Republikës së Kosovës Z. Sami Ukelli, që edhe pse ditë e diel, gjetën kohë që së bashku zyrtarisht të hapet turneu i futbollit.

…

Shkurt e shqip, për kurreshtarët që nuk mund të presin! 🙂

Vendi 1 – Besiana

Vendi 2 – Cardo Bau

Vendi 3 – Kërçova

Vendi 4 – Albania

…

Ditën tjetër do të vashdojmë informimin, pas vlerësimit dhe përgatitjes së materialit nga ekiepi teknik.

I falënderojmë të gjithë pjesëmarrësit, stafet diplomatike, sportistët, aktivistët, kuzhinjerët dhe anëtarët e Ligës Shqiptare të Futbollit në Austri për pjesëmarrje, mbështetje dhe kontributin që dhanë për ta realizuar këtë ditë festive, në mesin e komunitetit tonë! Po ashtu flënderojmë famimljen Bislimi dhe Mexhidin, për përkujdesjen dhe organizimin me kuzhinën

Ekipi për informim (A.J.)

RREGULLORE

Me të cilën obligohen të gjitha ekipet që t’i lexojnë me vëmendje rregullat e lojës

dhe t’i zbatojnë ato rregulla pa kundërshtime !

1. Ndeshjet në palestër (Sporthalle), luhen vetëm me mbathje të lejuara – që nuk lënë gjurmë!

2. Rekuizitat sportive duhet të jenë në përputhje me rregullat e futbollit

   (secili lojtar + portieri i ekipit, duhet të ketë fanellë, brekë, çorapë, patika, mundësisht mbrojtëse të nën-gjurit)

3. Secili ekip duhet të përzgjedhë një person kontaktues që përfaqëson ekipin dhe është përgjegjës për të gjitha çështjet që kanë të bëjnë me garat kampionale në futboll

   (disiplinë, mirëmbajtja e pastërtisë, deri te dorëzimi i objekteve në gjendjen si ishin më parë)

4. Ekipet e fillojnë lojën me 6 lojtarë (5+1)

5. Rivënia anësore (Auti) bëhet, në sallë me këmbë

6. Rivënia fundore (Korneri) bëhet me këmbë

7. Rinisja fundore (Abstos) bëhet me këmbë (KUJDES!!! Nga rivënia mund të shënohet GOL dhe është i vlefshëm)

8. Ndërrimi i lojtarëve vetëm gjatë ndërprerjes, në rast të kundërt gjuajtje indirekte për kundërshtarin

9. Kohëzgjatja e lojës – 10 minuta (vetëm një herë)

10. Dënimet për thyerjen e rregullave të lojës janë si në vazhdim:

• 2 Minuta përjashtim – Kartoni i kaltër (pasi të shënohet gol nga ekipi kundërshtar – ose pasi të skadojë dënimi prej 2 mitash, ekipi me një lojtar më pak ka të drejt të kompletojë numrin e lojtarëve në fushë)

• Kartoni i kuq – largim i lojtarit për tërë turneun (pasi të shënohet gol nga ekipi kundërshtar – ose pasi të skadojë dënimi prej 2 mitash, ekipi me një lojtar të ndëshkuar me karton të kuq, ka të drejt të zëvendosëjë lojtarin me një tjetër)

• Aktorët ose lojtarët që provojnë të shkaktojnë incidente (rrahje, apo tentim prishjeje të ndeshjeve) do të paraqiten në POLICI (Anzeige) dhe i marrin përsipër të gjitha shpenzimet e organizimit dhe natyrisht përjashtohen për tërë kohëzgjatjen e garave!!!

11. Gjuajtja e lirë (faulli) — distanca e mbrojtësve 5 metra!

12. Gjuajtja e dënimit (penalltia) — distanca 7 metra, ose sipas fushës (lojtarët tjerë 5 metra larg nga pike e goditjes)

13. Nisja e lojës – me hedhjen e shortit (lojtarët kundërshtarë qëndrojnë mbi 5 metra nga mesi)

14. Vlen rregulla e kthimit të topit tek portieri!!! (portieri NUK GUXON ta kapë topin me dorë nëse kthehet nga bashkëlojtarët)

15. Pozita jashtë loje (ofsajdi) NUK VLEN!!!

16. Nëse ndeshjet zhvillohen në sallë me mure mbrojtëse, atëherë loja vazhdon deri sa topi të jetë në fushë!

Obligohen të gjitha ekipet që t’i lexojnë rregullat e lojës dhe t’i zbaton ato pa kundërshtime!!!

Shumë suksese dhe fat në lojën e futbollit ju uron

Komisioni i Garave i

Ligës Shqiptare të Futbollit në Austri

(A.J.)