Në pranin e ekipeve të Ligës Shqiptare të Futbollit në Austri, të antarsuara në zhvillimin e ndeshjeve kampionale në Kampinatin e 8-të, u mbajt takimi i radhës, ai final, para fillimit të garave në sezonin pranveror.

Ky takim u mbajt në lokalet e ekipit Kërçova, që dëshmuan një mikëpritje shumë të ngrohtë dhe miqësore, edhe ne ju jemi falënderues për respektin dhe nderin ndaj Ligës Shqiptare! Po ashtu edhe ideja që ky takim të mbahet pikërisht aty ishte një vlersim shumë pozitiv për ekipit Kërçova dhe anasjelltas.

Në këtë takim u diskutua për gjitha pikat e rëndësishme që kanë të bëjnë me mbarvajten dhe peshën e fillimit për Kampionatin e 8-të në radhë.

Gjatë këtij takimi u shpalos në hollësi sistemi i garave, ku tani më janë të përcaktuara rënditjet e ndeshjeve, vendi, koha, etj, si dhe të gjitha çështjet anësore, të domosdoshme për zhvillimin e garave, sipas rregullores së Ligës Shqiptare të Futbollit në Austri.

Në emër të kryesisë së Ligës Shqiptare, ftojmë të gjithë dashamirët e sportit dhe kulturës, që të jenë pjesë e përbashkët e ketij aktiviteti sportiv, që zyrtarisht fillon më 07.05.2017, në „Barbara Stadion“, në Prottes. Hollësi dhe detaje të tjera, si zakonisht, do të publikohen këtu me kohë!

Në këtë aktivitet është e ftuar edhe Shoqata 12 Qershori, që me vallet tona kombëtare e begatojnë këtë aktivitet tash e sa vite, si bashkëpunëtorë të rregullt me Ligën Shqiptare.

Ju mirë presim.

Në emër të Kryesisë
Ekipi për informim

Liga Shqiptare e Futbollit në Austri

Me rastin e Festës së Pashkëve LSHFA- uron të gjithë besimtarët shqipëtarë të krishterë me dëshirat më të mira që në këtë ditë të paqes ,ripërtritjes ,dashurisë dhe përqafimit të vlerave njerëzore të mbretërojë dashuria, toleranca dhe mirëkuptimi mes pjestarëve të kombit tonë dhe të gjithë popujve të botës.

Urojmë që Dita e Pashkëve të shërbejë për të treguar shpirtin tonë human, për t’u dalë në ndihmë të gjithë njerëzve që kanë nevojë për dorën e ndihmës dhe për të forcuar besimin te njëri -tjetri.!

Me rrespekt

Kryesia e LSHFA-së

Njoftohen anëtarët e kryesisë së Ligës Shqiptare të Futbollit në Austri, se takimi i radhës i kryesisë do të mbahet më 25.03.2017, në orën 18:00, në Keplerplatz, 1100, në Vjenë!

Në këtë takim do të caktohet edhe data e fillimit të KAMPIONATIT, ku ekipet garuese, që tashmë janë në listën e pjesëmarrësve, do të ndeshen për herë të parë në këtë vit, në KAMPIONATIN E TETË, që organizohet nga Liga Shqiptare e Futbollit në Austri!

Pas këtij takimi, vendimi i marrë, që cakton datën zyrtare të ndeshjeve të para kampionale, do t’u dërgohet ekipeve garuese dhe do të publikohet këtu, në faqën zyrtare të Ligës Shqiptare.

Në emër të kryesisë
Ekipi për informim