Sot, në orën 23:57, përfundon afati i rregullt i paraqitjes së ekipeve që dëshirojnë të garojnë në kampionatin e futbollit për vitin 2015, që është caktuar të fillojë më datën 03.05.2015, në BARBARA STADION në Prottes.
Konkurimi bëhet drejtëpërdrejtë ONLINE përmes FORMULARIT PËR KONKURIM.
Pas përmbylljes së afatit konkurues, do të njoftojmë për detajet e tjera.
Ekipi për informim
Kryesia e Ligës Shqiptare të Futbollit në Austri, na njofton, se në garat kampionale të këtij viti do të garojë sërish BISH VJENË, gjë që është konfirmuar para pak çasteve.
Pritet nga ekipi teknik dhe nga komisioni i garave fillimi i procedurave të rregullta, për çka do të informojmë me kohë. Ekipit BISH Vjenë i urojmë suksese në garat kampionale për vitin 2015!
Ekipi për informim
Ka mbetë vetëm edhe një ditë, deri më 15.04.2015, kur do të mbyllet afati i rregullt i paraqitjes së ekipeve, që dëshirojnë të marrin pjesë në KAMPIONATIN E GJASHTË TË FUTBOLLIT për vitin 2015, të caktuar më parë nga organet kompetente të Ligës Shqiptare të Futbollit në Austri.
Sipas analizës së Komisionit të Garave, që vepron në kuadër të Ligës, por edhe të premtimeve të ekipeve, që më parë dëshironin të merrnin pjesë, deri më tash, është tejkaluar numri i ekipeve në krahasim me vitin e kaluar. Presim deri në fund të ditës së nesërme për gjendjen përfundimtare dhe për numrin e ekipeve që do të garojnë në Kampionatin 2015!
Pikërisht për shkak të rritjes së numrit të ekipeve pjesëmarrëse në Kampionatin e sivjetëm, ekipi për informim, ka realizuar një intervistë me kryetarin e Ligës Shqiptare të Futbollit në Austri, Z. Qani Sulejmani, ku detajet e kësaj interviste priten të publikohen nesër!
Ekipi për informim
Në radhën e rikthimeve në Ligën Shqiptare të Futbollit në Austri, është edhe FC SHQIPONJA, që do të vazhdojë garat KAMPIONALE për vitin 2015, duke u kthyer në Ligë pas paraqitjes së rregullt dhe zyrtare sipas rregulloreve të Ligës për të garuar në këtë Kampionat!
Ekipi i futbollit FC SHQIPONJA, që gjithë kohën llogaritet një ekip befasues dhe i rrezikshëm, në vitin 2013 zuri vendin e tretë, pas të cilit pushoi aktivitetin sportiv në Ligën Shqiptare të Futbollit në Austri. Mirëpo, pas suksesit të arritur në Turneun Tradicional të Pavarësisë 2015, që këtë vit u mbajt në Ternitz dhe organizohej nga Liga Shqiptare, përfaqësuesit e FC SHQIPONJA premtuan se do të rikthehen sërish në garat kampionale që organizon Liga, e që tashmë për të gjashtën herë.
Ashtu sikur që kemi premtuat qysh në fazën përgatitore, ky Kampionat i sivjetëm do të sjellë edhe befasi tjera, për të cilat do të informojmë me kohë! Për ekipin FC SHQIPONJA urojmë të arrijnë suksese dhe falënderojmë për besimin dhe respektin ndaj Ligës Shqiptare të Futbollit në Austri!
Ekipi për informim
Struga, që mund të krenohet me sukseset e vete duke qenë, Kampioni 2010, Nënkampioni 2012, Finalisti i Turneut Tradicional të Pavarësisë 2015, mbanë premtimin dhe rikthehet përsëri në Ligën Shqiptare të Futbollit në Austri, për të garuar në Kampionatin 2015. Ekipin e futbollit „Struga“ e përgëzojmë për rikthim në Ligë dhe i urojmë suksese në garë!
Nga ekipi teknik njoftojnë se STRUGA tashme ka hyrë në procedurat zyrtare për pjesëmarrje, dhe si e tillë siguron vendin për pjesëmarrje në Kampionatin e Gjashtë të Futbollit të organizuar nga Liga Shqiptare e Futbollit në Austri.
Tashmë shumica e ekipeve pjesëmarrëse në Kampionatin 2015 kanë siguruar pjesëmarrjen në garat kampionale, përderisa afati është i hapur vetëm edhe pesë (5) ditë, të fundit për paraqitje të ekipeve që dëshirojnë të marrin pjesë.
Afati i paraqitjes së ekipeve, për këtë vit, përfundon më 15.04.2015.
Ekipi për informim