Në emër të kryesisë së Ligës Shqiptare të Futbollit në Austri, urojmë të gjithë shqiptarëve, kudo që janë, festën e 28 Nëntorit, me shpresën për një të ardhme edhe më të mirë!
Të gjithë bashkatdhetarëve ju urojmë të kaloni sa më mirë, në këtë kohë pandemie, dhe mbesim me shpresë që sa më parë të kemi mundësinë për të vepruar me organizimet tona, që u desh të shtyhen për afat të pacaktuar!
Urojmë së bashku!
Në emër të kryesisë
Ekipi për informim
Kryesia e Ligës Shqiptar të Futbollit në Austri shpreh ngushëllime të thella për ngjarjen që ndodhi në Bullgari, ku mori flakë autobusi përplot udhëtarë, në të cilin tragjikisht humbën jetën shumica e udhëtarëve!
Ngushëllime familjeve, shokëve dhe të gjithë atyre që u ndodhi kjo tragjedi!
Kryesia e Ligës Shqiptare
Kryesia e Ligës Shqiptare të Futbollit në Austri mori nga organet kompetente austriake vendimin me shkrim, urdhëresë kjo, për ndërprerjen e organizimit të aktiviteteve sportive e kulturore për shkak të pandemisë!
E gjithë kjo vjen pak ditë para organizimit të ndeshjeve, që do të organizoheshin me rastin e Pavarësisë së Shqipërisë, që tradicionalisht mbahen tash e sa vjet në Austri. Me këtë rast, pas marrjes së shkresës zyrtare, kryesia vendosi të anulojë aktivitetet e parapara!
Kryesia e Ligës Shqiptare të Futbollit në Austri njotfon të gjitha ekipet që tashmë shprehën dëshirën për pjesëmarrje në organizimin e caktuar për datën 21.11.2021, se ky organizim ANULOHET, me bazë në urdhëresën marrë nga shteti austriak, me qëllim të masava të marra për parandalim të shpërndarjes së pandemisë, pas keqësimit të situatës në vend.
Në ndërkohë FALËNDEROJMË të gjitha ekipet, të gjithë sportistët, të gjithë të interesuarit, si dhe të gjithë aktivistët dhe ekipet punuese që veprojnë në Ligën Shqiptare të Futbollit në Austri, për mbështetjen e deritashme, për besnikërinë e dëshmuar ndaj Ligës Shqiptare, për punët dhe veprat e realizuara, si dhe për interesimin e pandërprerë për aktivitetet që organizon kjo Ligë, tash e më shumë se dhjetë (10) vjet!
JU FALEMINDERIT!
Me shpresë që në vitin 2022 të realizojmë aktivitetet tona, urojmë që dëshirat tona të bëhen realitet!
Me nder dhe nderime, në emër të kryesisë
Ekipi për informim (A.J.)
Duke respektuar rregullat e pandemisë, në një ambient të përzgjedhur dhe të hapur, dje, më 18.09.2021, nga ora 15:00, u mbajt takimi i kryesisë së Ligës Shqiptare të Futbollit në Austri. Kryetari Luan Kreka falënderoi pjesëmarrësit për përpjekjet në realizimin e aktiviteteve të Ligës Shqiptare.
Kryetari Kreka gjithashtu falënderoi nënkryetarin, Salih Gashi, për përkujdesjen e hapësirës ku filloi takimi, si dhe firmën Luani Bau, që ishte edhe si ekip pjesëmarrës në garat e kaluara kampionale, por që kësaj here me dëshirën e vet e sponsoroi këtë takim të kryesisë.
Ky takim, që njëherit është edhe i pari i këtij lloji në këtë vit, pasi që deri më tash kishte komunikim vetëm nga distanca dhe në mënyrë elektronike, kishte parasyshë analizën e situatës pandemike, si dhe planifikimin për realizimin e aktiviteve edhe në këtë kohë.
Edhe pse kishte plane konkrete, si dhe mendime për përshtatje në situatën pandemike, realizimet e tyre, që ishin dhe janë në planprogramin e Ligës Shqiptare të Futbollit në Austri, nuk ishin të mundshme.
Pas shqyrtimeve të disa mundësive, si plane aktive për këtë vit, u vendosën disa hapa që mendohet të mirren si veprime reale, gjithmonë duke pasë parasysh kushtet dhe gjendjen momentane, e cila mund të ndryshojë në lehtësim por edhe në mosrealizim të qëllimeve që mbanë në shënjestër kryesia e Ligës Shqiptare.
Turneu Tradicional i Pavarësisë, që tash për tash, u caktua për datën 21.11.2021, i cili zakonisht shënon edhe aktivitetin e fundit sportiv të një viti, do të mbahet duke zbatuar kushtet dhe rregullat e caktuara nga qeveria austriake.
Shpresojmë në realizimin e turneut, që tashmë është bërë traditë e Ligës Shqiptare të Futbollit në Austri, së bashku me turneun e muajit shkurt, që këtë vit, për shkak të pandemisë, nuk u mbajt.
Urojmë të takohemi në Turneun e Nëntorit!
Në emër të kryesisë Ekipi për informim (A.J.)
Sportistët kosovar, që po marrin pjesë në garat olimpike, në Tokio (Tokyo 2020), po shkëlqejnë me sukseset e tyre të një pas njëshmme!
Dy nga vajzat tona të arta, morën dy medalje të arta!
Pas Distria KRASNIQIT, sot mori edhe Nora GJAKOVA TË ARTËN! – JU LUMTË!
Tash në rënditjen botërore të medaljeve olimpike të arta, Kosova është e një herë për një herë e 7-ta! Kurse sipas numrit të përgjithshëm të medaljeve, e 15-ta! Çka për nivelin botërore është një sukses shumë i madh i deritashëm!
Urojmë suksese të reja edhe ditëve të ardhshme në:
BOKS – 27.07.2021 – Donjeta SADIKU
NOTIM – 27.07.2021 – Olt KONDIROLLI
(G)JUDO – 29.07.2021 – Loriana KUKA
WRESTLING – data endo jo fikse 2021 – Egzon SHALA
ATLETIKË – data ende jo fikse 2021 – Musa HAJDARI
Kurse deri më tash, në Tokio (TOKYO 2020), pa medlje garuan:
SHËNJTARI – 25.07.2021 – Drilon IBRAHIMI, që thej rekordin e vet, si dhe rekordin shtetëror!
(G)JUDO – 25.07.2021 – Majlinda KELMENDI, ylli që solli medaljen e parë historike për Kosovën (2016)!
NOTIM – 25.07.2021 – Eda ZEQIRI, edhe pse e para në grupin e saj, nuk i mjaftoi për medalje!
G(J)UDO – 26.07.2021 – Akil GJAKOVA, i cili ishte shumë afër medlajes së bronztë!
Radhitja tabelare e medaljeve olimpike deri më tash:
JU LUMTË!
Presim sukseset e ekipit të SHQIPËRISË, që mund të kemi në ditët në vazhdim!
Ekipi për informim i Ligës Shqiptare të Futbollit në Austri!
(A.J.)