Të nderuar sportdashës,

ju njoftojmë se më datën 24.06.2018, duke filluar nga ora 10:00, Liga Shqiptare e Futbollit në Austri dhe Shoqata e Mësuesve Shqiptarë në Austri, së bashku organizojnë ditën sportive, ku do të luhet NDEHSJEN KAMPIONALE 2018 – RAUNDI I RADHËS, dhe krahas tyre do të ketë edhe TURNIR NË FUTBOLL – PËR NXËNËS!

Ky bashkëpunim është sipas takimit të mbajtur më 31.05.2018, në mes të këtyre dy shoqatave shqiptare, të cilat tash e sa vite bashkëpunojnë së bashku!

RAUNDI I RADHËS – KAMPIONATI 2018 (Liga Shqiptare)

Ndeshjet e radhës do të publikohen nesër, ditën e MËRKURË, më 20.06.2018, me radhitjen e planit sipas kamisionit të garave të Ligës Shqiptare dhe orari i parashikuar i ndeshjeve!

TURNIRI NË FUTBOLL – PËR FËMIJË (Shoqata e Mësuesve)

Turniri për fëmijë parashihet të fillojë nga ora 10:00, deri në përfundim! Radhitja e ndeshjeve dhe mbarëvajtja e turnirit, bëhet në koordinim me ekipet e punës të Ligës Shqiptare të Fubtbollit në Austri!

KUZHINA

Si gjithmonë deri më tash, do të kemi kuzhinë, me befasitë që do të përgatisë mjeshtri ynë Mexhidi!

Ju urojmë një ditë të këndshme sportive, me grupmosha të ndryeshme dhe ambient familjar!

Në emër të kryesisë
Ekipi për informim (A.J.)

Liga Shqiptare e Futbollit në Austri, të gjithë besimtarëve musliman, ua uron Festën e Bajramit, duke u dëshiruar fat, lumturi dhe shëndet!

Me nderime!
Kryesia e Ligës

Takim në mes të përfaqësuesëve të Ligës Shqiptare të Futbollit dhe Shoqatës së mësuesve shqiptarë në Austri ,,Naim Frashëri“.

Në Deutsch Wagram, më 31-05-2018, në një lokal biznesi në një bisedë shumë të ngrohtë dhe të sinqertë u diskutua në detaje për organizimin e Turnirit të futbollit për fëmijë, i cili do të mbahet më 24-06-2018 në Vjenë, në terenin sportiv, ku në të njëjtën ditë do të mbahet edhe xhiroja e radhës e Kampionatit 2018.

Disa nga vendimet të cilët u morën në këtë takim:

• Turniri do të mbahet më 24-06-2018
• Adresa: Heuberggstättenstraße 1, 1100 Wien
• Turniri fillon në orën 10:00
• Ndeshjet do të zgjasin dy herë nga 8 minuta
• Do të ndahen në dy grup-mosha
• Referimi Xhafer LLesi, dhe ka mbetur të kërkohet edhe një refer tjetër
• Përgjegjës për grup-moshat e ndryshme janë mësuesi Osman Ademi si dhe mësuesja Miradie Berisha
• Përgjegjësin për mbarëvajtjen e turnirit do të ketë mësuesi Ibrahim Hasanaj dhe Nexhmedin Llesi
• Për çështjet teknike si dhe sistemin e garave është ngarkuar me detyrë Halil Jashari

Për detaje të tjera do të njoftoheni me kohë, para fillimit të ndeshjeve kampionale të Ligës Shqiptare dhe të Turnirit për fëmijë, që do të mbahen po në të njëjtën ditë, më 24.06.2018.

Ju mirëpresim, duke ju dëshiruar suksese në gara!

Në emër të kryesisë

Ekipi për informim (AJ)