Për të pestën herë me radhë, me sukses përfunduan garat e Kampionatit to Futbollit për vitin 2014. Këtë vit, me plot meritë dhe me një angazhim të madh që treguan në garat për të qenë kryesues i tabelës, KF DRENICA u shpall KAMPIONI 2014 i Ligës Shqiptare të Futbollit në Austri.

Radhitja zyrtare pas përfundimit të Kampionatit është kjo:

Kampioni 2014 – KF DRENICA

Nënkampioni 2014 – FC TIMI

Vendi i tretë – Afrim Zhitia

Ndërsa për garat e zvilluara për FAIR PLAY, u shpërbly ekipi KF KRENARIA, që kaluan garat pa marrë asnjë karton në tërë Kampionatin.

Për detajet e përfundimit të Kampionatit, ju njoftojmë pas përgatitjes së materialit, pasi që do të njoftojmë edhe për rrjedhën e ceremonisë zyrtare të përmbylljes së Javës Kulturore Shqipe në Austri.

Rëndësia e dyfishtë e datës 28.09, këtë të diel, ku pos përmbylljes festive të JAVËS KULTURORE SHQIPTARE, që do të shënohet me një program të veçantë të përgatitur për këtë ditë, edhe LIGA SHQIPTARE E FUTBOLLIT shënon përmbylljen e Kampionat 2014 të futbollit, që tashmë është viti i pestë me radhë, ku që nga viti 2010 kjo Ligë organizon vit pët vit Kampionatin e Futbollit me sistem pikësh.

Përveç Ligës Shqiptare të Futbollit në Austri, në kuadër të Javës Kulturore, në program janë edhe Shoqata Bëmirëse „Ilirët“, ekipet e Ligës që në mënyrë të veçantë sjellin programin e tyre „FC Timi“ dhe „KF Krenaria“, ku pos të tjerash pritet edhe një lojë befasie me karakter dëfrues të përgatitur enkas për publikun.

Interesi për mbajtjen e garave për KUPËN SHQIPTARE është shumë i madh, dhe për shkak të programit të ngjeshur ende nuk është vendosë nga Kryesia e Ligës, por nëse kjo garë zhvillohet në këtë ditë, do të informojmë me kohë.