KRENARIA dhe GJENERATA në mesin e Kampionëve! Por jo si Kampion, mirëpo përballë DY KAMPIONËVE të Ligës Shqiptare të Futbollit në Austri, STRUGËS, Kampionit 2010, dhe DRENICËS, Kampionit 2014!

Kjo është radhitja e ekipeve në GRUPIN A, që sipas sukseseve të deritashme, mund të llogaritet si grupi i të fortëve! Mbetet të shohim forcat e ekipeve KF KRENARIA dhe GJENERATA, të dy ekipe këto me veterat të futbollit, që do të përballen në kualifikime me hiq më pak se me dy KAMPIONËT njëkohësisht, që në historinë e Ligës, STRUGA  është Kampioni i Parë, kurse DRENICA është Kampioni Aktual! Kurse për ironi të fatit,  GJENERATA luan kundër KF KRENARIA, pikërisht në orën 9:00, lojë kjo që do të jetë njëherit edhe LOJA E PARË E TURNEUT!

Për melodi muzikore do të kujdeset grupi „Behari & Bekimi“ (tash emër të ri), të njohur nga pjesëmarrja e tyre në përfundimin e Kampionatit  të Futbollit 2014, gjatë Javës Kulturore Shqiptare të vitit të kaluar, por edhe me pjesëmarrjen e tyre aktive në manifestimin e PESËVJETORIT të Ligës Shqiptare të Futbollit në Austri. Grupi folklorik „“Behari & Bekimi““ janë mysafir special të ftuar në Turneun e Pavarësisë 2015, që këtë të diel, më 15.02.2015, tingujt e të cilëve do të dëgjohen në palestrën sportive në Ternitz!

Të gjithë pjesëmarrësve ju urojmë një të diel të këndshme melodike dhe sportive!

Ekipi për informim

Tejkalohet numri i ekipeve të paraqitura për Turneun e Pavarësisë 2015! Tashmë ka arritur në +25%  numri i paraqitjeve, me çrast do të mbyllet zyrtarisht mundësia e paraqitjeve të reja! Ju lusim të keni mirëkuptim!

Ekipi për informim