62 herë shënuan GOL  futbollistën e ekipeve garuese në KAMPIONATIN 2019, i cili është kampionati i dhjetë(10) me radhë, që organizon Liga Shqiptre e Futbollit në Austri. Ky ishte një fillim i mbarë i kampionatit, ku edhe moti ishte në krahun e sportistëve, sportdashësve dhe dashamirëve të sportit.

Këtë vit për herë të parë, në garat kampionale 2019, garojnë edhe dy ekipe të reja, të cilat qysh nga TURNEU i vitit 2018, gjegjësisht nga TURNEU pranveror i këtij viti, janë në kontakt të rregullt me Ligën Shqiptare të Futbollit në Austri, kurse tash zyrtarisht janë pjesëmarrës të rregullt në garat kampionale të sivjeme.

Njëri ndër këto dy ekipe është LUANI BAU, i cili mbështetet nga Firma që ka po të njëjtin emër „LUANI BAU“.

Ekipi i futbollit LUANI BAU, në ndeshjet e xhiros së parë, u përballën me dy kampionët e viteve të kaluara, me ekipin BESIANA, Kampion 2018, si dhe me konkurrentin e tyre, ekipin FC TIMI, Kampion i dyfsht i viteve 2015 dhe 2017. Edhe pse nuk korrën fitore nga këto ekipe mjaft të forta dhe të organizuara mirë, prapë se prapë ekipi LUANI BAU arritën të shënojnë kundër të dy ish kampionëve, duke fituar kështu simpatinë e shikuesëve dhe të sportistëve tjerë.

Ndër ekipet e reja, sikur që theksuam më lartë, që këtë vit garojnë në garat kampionale, është edhe ekipi WIEN WEST.

Edhe ky ekip ka në prapavijë autoshkollën ku flitet shqip, të quajtur FAHRSCHULE WIEN WEST, të cilët të motivuar dhe të organizuar startuan për herë të parë në një kampionat futbolli, duke u përballë kësaj rashe me ekipin SV ALBANIA, që ishte lojë me kthesa të shumta gjatë lojës, si përnga rezultati po ashtu eshe përnga loja. Edhe pse WIEN WEST arritën të mposhtin dy herë portën e kundërshtarit, në fund triumfuan lojtarët e ekipit SV ALBANIA, por që nuk ishte fitore e lehtë, pasi që WIEN WEST u treguan shumë të rrezikshëm gjatë lojës.

Lojën e organizuar mirë dhe me një fitore bindëse, WIEN WEST e realizoj kundër ekipit, tashmë veteran në Ligën Shqiptre të Futbollit në Austri, KF KRENARIA, të cilët i mposhtën me rezultat 10:4 në të mirë të WIEN WEST. Ndoshta mund të themi që ishte ndeshja më simpatike e kësaj xhiroje, pasi që futbollistët e ekipit KF KRENARIA arritën të shënojnë plot katër (4) herë në portën e kundërshtarit, por kjo nuk mjaftoj, pasi që WIEN WEST grumbulloj gjithsej dhjetë gola deri në fund të takimit.

Me duartrokitje dhe me lavdata u nda nga kjo xhiro edhe portieri i ekipit KF KRENARIA, i cili befasoj me parada dhe me aftësitë e veta si portier dhe si organizues mjaft i shkathtë i mbrojtjes në lojë, duke shtuar shpresat e këtij ekipi për xhirot e radhës të këtij kampionati.

BESIANA, që gëzon titullin KAMPIONI 2018 i Ligës Shqiptare të Futbollit në Austri, arriti të shënojë fitore në të gjtiha ndeshjet e këtij raundi, edhe pse nuk ishin të gjitha të lehta, por që i ndihmon për të qenë me numër më të madh të pikëve, që mund të ndihmojnë në fund të këtij kampionati.

Lojtarët e ekipit SV ALNBANIA, që edhe vitin e kaluar treguan cilësi dhe suksese në garat kampionale të vitit të kaluar, fitoren e parë, për këtë vit, e shënuan kundër ekipit WIEN WEST, duke mposhtur kundërshtarin me pesë gola të shënuar dhe me një epërsi prej tre golash. Ndeshja përfundoi me rezultatin 5:2 nëtë mirë të ekipit SV ALBANIA.

FC TIMI, ish KAMPIONI 2015 dhe ish KAMPIONI 2017, mposhti kundërshtarët me pamëshirë, duke marrë vetëm një gol nga ekipi LUANI BAU, gjë që dëshmon organizimin e mirë në sulm por edhe në mbrojtje.

Të pamëshirshëm ishin edhe kundër simpatikëve të KF KRENARIA, të cilën edhe pse patën disa reste për të shënuar, nuk arritën ta mboshtin portën e ekipit FC TIMI. Ky rezultat mjaft i mirë, të cilin e realizuan lojtarët e ekipit FC TIMI i ngritë ata në krye të tabelës dhe për momentin kryesues në fillimin e kampionatit 2019.

Duke parë dëshirën e dashamirëve të sportit, të sportistëve dhe të gjithë atyre që nuk ishin në fushë, por treguan interes të veçant për rrjedhën e garave kampionale të këtij viti, që organizon Liga Shqiptare e Futbollit në Austri, ekipi për informim ka shpërndarë shumë fotografi nga xhiroja e së dielës, të cilat mund t’i shihni në faqen e FACEBOOK-ut në linkun në vijim.

Linku për FOTO etj. – në FACEBOOK

Liga Shqiptare e Futbollit nö Austri falönderoj tö gjithë aktivistët, sportistët dhe të gjithë sportadashësit dhe mbështetësit për realizimin e këtyre garave dhe ju uroj çdo të mirë në xhiroj e radhës, data e së cilës do të publikohet së shpaejti, pas takimit të kryesisë, që parashihet të jetë brenda kësaj jave.

Në emër të kryesisë
Ekipi për informim (A.J.)

Në takimin e kryesisë, që u mbajt këtë të Diel, në të cilin ishin përfaqësuesit e pothuajse të të gjitha ekipeve pjesëmarrëse në Kampionatin 2019, u vendos data zyrtare e fillimit të kampionatit të sivjem!

7 Prilli u caktua datë zyrtare!

Paraqitjet vazhdojnë deri më 31.03.2019, pra, vetëm edhe këtë javë, pasi që presim konfirmimet e ekipeve të interesuara!

Sikur që ju kemi njoftuar edhe para këtij takimi, interesimi këtë vit është shumë i madh, dhe i tejkalon kapacitetet e Ligës Shqiptare të Futbollit në Austri, por kryesia dhe aktivistët janë duke bërë përpjekje që të gjejnë formën e inkuadrimit, të ekipeve të interesuara, për garat e Kampionatit 2019.

Kampionati 2019 është i dhjeti në radhë, organizuar nga Liga Shqiptare, ku me rastin e 10 (dhjetë) vjetorit të themelimit të kësaj lige, do të shonëhen edhe ceremonia e festimit të VITIT JUBILAR.

Detajet tjera, si dhe informatat në lidhje me sistemin e garave, do t’i publikojmë pas përmbyljes zyrtare të afatit të paraqitjes së ekipeve, pra pas datës 31.03.

Ekipeve pjesëmarrëse ju urojmë suksese dhe ndeshje fair-play, kurse aktivistë dhe vizitorë janë si gjithmonë mirëpritur dhe i falënderojmë për mbështetjen shumëvjeçare, duke shpresuar për sukseset tonba të përbashkëta!

Në emër të kryesisë

Ekipi për informim (A.J.)